اٹک۔ 02 دسمبر (اے پی پی) وزیراعظم نا خصوصی کمکار موسمیاتی بدلی ملک امین اسلم پارینے کہ ای وی ایم آن گچین کاری تیٹی مروک آ دھاندلی چٹک، الیکٹرک ووٹنگ مشین و اونا دمدستی نتیجہ غاتیان اسہ بندغ اس ہم دھاندلی کننگ کپک، وزیراعظم عمران خان نا مقابلہ ملک انا بھلا مافیاتتون ءِ، 70 سال آن ملک آ کوزہ گیر آک تینا روتہ غاتے سوگو کرینو ولے عمران خان اوفتے شکست ایتک۔ داخیال آتا درشانی ءِ او غورغشتی ٹی جابرخان، اسد علی، افضال ملک، خالد وحید، سجاد خان آصف سیٹھ، عمرفاروق و ایلوفتا پی ٹی آئی ٹی شمولیتی دود آن تران اٹی کرے۔ اوپارے کہ 2013نا گچین کاری تیٹی حلقہ این اے 55 اٹی کنتون ہم دھاندلی مسوسس، ہرانا فیصلہ اینو اسکان مننگ کتو، ہنداوڑنا دھاندلی ءِ توننگ کن الیکٹرونک ووٹنگ مشین نا فیصلہ حکومت کرینے۔ ملک امین اسلم پارے کہ الس بروک آ گچین کاری تیٹی وونٹ پی ٹی آئی نا اومیت آتے ایتک، پیشن نا ملک رہینگوک آ پاکستانی تے وونٹ انا حق ترسا عمران خان عظیم ءُ کاریم اس سرتسنے۔ اوپارے کہ مسکوہی حکومت آتیٹی مروک آ دھاندلیک الس نا مون آٹو۔
