اسلام آباد۔ 02 دسمبر (اے پی پی) وزیراعظم عمران خان نا کماشی ٹی پاکستان تحریک انصاف نا کور کمیٹی نا دیوان اینو(پنچ شنبے ) آ داڑے مننگ ءِ، دیوان اٹی کور کمیٹی ءِ احساس، بزغر و جان جوڑی انصاف کارڈ آ حوال تننگک۔ پنچ شنبے نادے آ جاری بیان نا رداٹ دیوان اٹی پنجاب و خیبرپختونخوانا وزیراعلاک بلدیاتی گچین کاری تا بابت حوال و رپورٹ پیش کیرہ۔ کور کمیٹی نا دیوان اٹی پروٹیکشن آف جرنلسٹس اینڈ میڈیا پروفیشنلز ایکٹ 2021ء آ ہم گپ وتران مریک، دا بل پاکستان تحریک انصاف نا منشور نا بشخ اس ئس۔
