اسلام آباد۔2دسمبر (اے پی پی): حال ء ُ اھیوال کاریء ُ شنگکاری ءِ بنجاہی وزیر چوہدری فوادحسین ءَ کونسل آف پاکستان نیوز پیپر ایڈیٹرز (سی پی این ای )ءِ نوک گچین بوتگیں عہدگ داراناں مراد بات داتگ۔ پنچ شمبے ءِ روچءَ وتی بیان ءِ تہا حال ء ُ اھیوال کاری ء ُ شنگکاری ءِ بنجاہی وزیر چوہدری فواد حسین ءَ سی پی این ای ءِ سروک کاظم خان، سینئر نائب صدر ایاز خان، سیکرٹری جنرل عامر محمود ء ُ ڈپٹی سیکرٹری جنرل یوسف عارف نظامی ءَ را نوکیں زمہ واریانی سرءَ مراد اتگ ء ُ گشتگ کہ سی پی این ای ملک ءِ تہا جوانیں صحافتی پڑ ءِ امین اِنت، آئی ءَ گشتگ کہ پاکستان تحریک انصاف ءِ حکومت درشانی ءِ آجوہی ءِ جمہوری ء ُ بنکی حق ءِ دیئگ ءِ سرءَ باور کنت۔ چوہدری فواد حسین ءَ گشت کہ ملک ءِ تہا صحافت ءِ آجوہی ءَ را گیش کنگ ءُ میڈیا ءِ دیمروئی ءِ ھاترءَ وتی کمک ءَ برجاہ دا ریت۔ آئی ءَ اُمیت ءِ درشانی کتگ کہ نوک گچین بوتگیں عہدگ دار صحافت ءِ پڑءِ گہتری ء ُ میڈیا صنعت ءِ پلاح ء ُ گہبود ءِ ھاترءَ صحافتی برادرری ءِ اُمیتاں پیلو کناں۔
