اسلام آباد۔2دسمبر (اے پی پی): وزیر ءِ مملکت برائے اھوالکاری ءُ شنگ کاری فرخ حبیب ءَ گوشت کہ گوستگیں سروک آناں اوورسیز پاکستانی آنی زر ملک ءَ روادن دیگ دوست بوتگ بلے آ ایشاناں ووٹ ءِ ھک ءَ را دیگ ءِ ھلاپ بوتگ انت۔ اے ھیالانی درشانی آئی ءَ پی ٹی آئی برطانیہ ءِ صدر عبدالستار رانا ءُ کلانہ ایں نائب صدر ملک عمران خلیل ءَ گوں گند ءُ نند ءِ ساھت ءَ کت آئی ءَ پنچ شمبے ءِ روچ ءَ وزیر ءِ مملکت ءَ گوں گند ءُ نند کت۔ گند ءُ نند ءِ ساھت ءَ اوورسیز پاکستانی آنی جیذڈھ آنی گیواری، ڈن مملک ءَ پاکستانی مشنز آنی کرد ءُ ایندگر کار آنی بابت ءَ ھیال ریچی کنگ بوت۔ پی ٹی آئی برطانیہ ءِ کارندہ آں ڈن ملک ءَ نندوکیں پاکستانی آناں ووٹ ءِ ھک دیگ ءِ پد ءَ مزن وزیر عمران خان ءُ آئی ءِ ٹیمب ءِ شگر ءُ منت گپت۔ وزیر ءِ مملکت ءَ گوشت کہ گوستگیں توامیں حکومت آں اوورسیز پاکستانی آنی ملک ءَ زر روان دیگ دوست داشتگ بلے آوانی ووٹ دیگ ءِ ھک ءِ ھلاپ بوتگ انت۔ آئی ءَ گوشت کہ مزن وزیر عمران خان ءَ 90 لکھ اوورسیز پاکستانی آنی گوما الیکشن ءَ گوں ھما سوگند کتگ بوتگ آ ءِ پیلو کتگ ءُ پیش داشتگ۔ فرخ حبیب ءَ گوشت کہ مزن وزیر عمران خان ءَ برطانیہ ءَ ھوار سرجمیں دگنیا ءَ جوڑیں پاکستانی مشنز آناں پنت ءُ شون کتگ کہ پاکستانی آنی جیڈھ آناں زوتیں رنگ ءَ گیواری ءُ ھمک رنگیں آسراتی پجاری بکن انت، عبدالستار رانا ءَ گوشت کہ ڈن ملک ءَ نندوکیں پاکستانی آنی واستہ روشن ڈیجیٹل اکاؤنٹ، وتی گس اسکیم وڑیں پروگرامز آنی بنگیج ءِ پد ءَ پی ٹی آئی حکومت ءِ شگر ءُ منت وار آں۔ ملک عمران خلیل ءَ گوشت کہ آیوکیں الیکشن ءَ سرجمیں دگنیا ءَ پاکستانی عمران خان ءَ را ووٹ دینت۔ پی ٹی آئی برطانیہ ءِ سروکی ءَ اوورسیز پاکستانی آنی واستہ پاور آف اٹارنی ءِ بندات ءِ واستہ آٹو میشن نظام سہرا کنگ ءِ پد ءَ مزن وزیر عمران خان ءِ شگر ءُ منت گپت۔ آئی ءَ گوشت کہ پاور آف اٹارنی ءِ آن لائن تسدیک ءُ بندات ءَ چہ ہزاراتی پاکستانی کہ زر ءَ آدیم نشتگ انت آواناں سیت رس ایت۔ کوھنیں کرپٹ نظام ءَ چہ سیت چست کنوکیں ملک ءَ نوکیں دیمروئی نہ لوٹ انت۔
