اسلام آباد۔1دسمبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ پروٹیکشن آف جرنلسٹس اینڈ میڈیا پروفیشنلز ایکٹ 2021 ءِ چیر دستی ءَ اولی رند ءَ پاکستان ءَ ورکنگ جرنلسٹس ءَ را آ ھک پجاری کنگ بوتگ ایش فرسٹ ورلڈ ءِ اھوالکار آناں رس انت، حکومت ءُ وزارت اھوالکاری ءِ فرض انت کہ آ ورکنگ جرنلسٹس ءِ پشت ءَ بوشت آں۔ ما وتی میڈیا ءِ آزاتی ءِ برابرئی ءَ تھرڈ ورلڈ ءُ مسلم ورلڈ ءَ گوں نہ انت بلکینگ ءَ فرسٹ ورلڈ ءَ گوں کناں۔ اے گپ آئی ءَ چارشمبے ءِ روچ ءَ ادا ایوان صدر ءَ پروٹیکشن آف جرنلسٹس اینڈ میڈیا پروفیشنلز ایکٹ 2021 ءِ دست چنگلی مراگش ءَ گوں گشتانک دیان ءَ کت۔ بنجاھی وزیر ءَ گوشت کہ پروٹیکشن آف جرنلسٹس اینڈ میڈیا پروفیشنلز ایکٹ 2021 ءِ کریڈٹ بنجاھی وزیر بنی آدمی ھک ڈاکٹر شیریں مزارتی ءَ را دیگ بیت۔ آئی ءَ گوشت کہ وھد ءِ آ 2018 ءَ وزیر ءِ اھولکاری جوڑ بوت گڈا آ آئیڈیا آئی ءِ دماگ ءَ اتک، آئی ءَ اے کار بنجاھی وزیر بنی آدمی ھک آنی سپرد ءَ کت آئی ءَ اے ایکٹ ءِ تیاری ءَ باز جہد ءُ کوشش کتگ ایشی ءِ پد ءَ آئی ءِ باز منت وار آں۔
