اسلام آباد۔ 01 دسمبر (اے پی پی) وزیراعظم عمران خان نومبر 2021اٹی خراج کٹیا تیٹی 35 درسد ودکی آ ایف بی آر ءِ مبارکبادی تسنے۔ چارشنبے نادے آ تینا ٹویٹ اٹی وزیراعظم عمران خان نومبر 2021اٹی خراج ہلنگ اٹی ودکی آ ایف بی آر ءِ مبارکبادی ترسا پارینے کہ تدوک آ سال انا مقابلہ ٹی نومبر 2021اٹی خراج کٹیا تیٹی 35 درسد ودکی مسنے وخت اس کہ تدوک آ مالی سال انامقابلہ ٹی اینخو مالی سال انا اولیکو پنچ تُو اٹی ایف بی آر نا خراج ہلنگ اٹ 37 درسد ودکی مسنے۔ اوتینا ٹویٹ اٹی عارف حبیب لمیٹڈ نا پٹ وپول بشخ انا گراف اس ہم شیئر کرے ہراٹی تدوک آ و برجامالی سال اٹی خراج کٹیا تا موازانہ ءِ پیش کننگانے۔
