پشاور۔ 01 دسمبر (اے پی پی) بنجائی وزیر منشیات تور اعجاز احمد شاہ پارینے کہ ورناچین ءِ منشیات نا لعنت آن بچفنگ ننا ہدف ءِ، نن منشیات نا پیدوار والا ملک آتے ٹی افن ولے تینا جغرافیائی پوزیشن نا سوب آن دالعنت نا گواچی مسن، منشیات نا برخلاف جنگ انا بناءِ کرینن ہرانا برخلاف مچ آ قوم ءِ ننتون تفوئی مریک، منشیات آن پاک راج اکن ہراسٹ نا انفرادی وڑاٹ کڑد ادا کننگ المی ءِ۔ داخیال آتا درشانی ءِ او آرمرڈ کور سینٹر نوشہرہ ٹی اینٹی نارکوٹکس فورس انا آفیسر آتا پاسنگ آؤٹ پریڈ آن تران کرسا کرے۔ داوخت آ بنجائی وزیر منشیات تور اعجاز احمد شاہ پاس آؤٹ مروک آ غٹ اسسٹنٹ ڈائریکٹر ، انسپکٹرز، سب انسپکٹرز ، اسسٹنٹ سب انسپکٹرز آ زور شاغا کہ ملک و قوم انا اومیت آتیا پورو سلر ، کنے داپاننگ آن گمر محسوس مننگ ءِ کہ ٹریننگ و پریڈ نا آب بھاز جوان ئس، ہراشعبہ ءِ نم گچین کرینورے دا بروک آ چین تا آخبت روشنا و رکھ کیک۔ اوپارے کہ اے این ایف ءِ چندی چیلنج مون تروک ءِ، اینو نا دور ففتھ جنریشن وار فیئر نا دورءِ۔ اوپارے کہ منشیات نا لعنت نا چٹفنگ اٹ استاد و لمہ باوہ نا ہم اہم ءُ کڑد اسے، منشیات نا لعنت نا چٹفنگ کن حکومت نا کوشست آتا جہانی کہول آ ستاءِ کننگانے۔ اوپارے کہ ای اومیت کیوہ کہ اے این ایف نا پاس آؤٹ مروک آ آفیسر آک تینا فرض ءِ جوانی اٹ سرایترہ ۔ او خواست کرے کہ کورونا دین انا پوسکن آ وڑآن بچنگ کن خیال کیر۔ کنانما غٹ آن خواست ءِ کہ ویکسین خلفبو، ننا کوشست ءِ کہ کورونا نا پوسکن آ وڑ پاکستان اٹ بف ولے احتیاط و ویکسین آن داڑآن بچنگ ممکن ءِ، و ماسک ءِ المی کاریم اٹ اتیر۔ اوپارے کہ عمران خان نا گرین پاکستان نا تغ ہم سچ مریک، پاکستان نا چاگڑدی چیلنج آتا مقابلہ کننگ نا کوشست آتے جہانی پلیٹ فارم پذیرائی دوئی مس۔
