اسلام آباد۔ 09 اپریل (اے پی پی) بنجائی حکومت سرکاری بشخ انا شونداری پروگرام (پی ایس ڈی پی) نا رداٹ مچ آ ملک اٹی چندی شونداری ڈٹ آتے کن 546 ارب روپئی آن زیات نا فنڈ جاری کرینے۔ ڈٹ بندی و شونداری نا وزارت نا حساب وکتاب نا رداٹ دا فنڈ اینخو نا مالی سال کن تدوک آ تو انا بیست ئُ یک تاریخ اسکان جاری کننگانے۔ رپورٹ نا رداٹ شاہراہ تا قومی ادارہ ئِ 166 ارب روپئی آن زیات وخت اس کہ ریلوے ڈویژن ئِ 24 ارب روپئی جاری کننگا۔ ہنداوڑ واپڈا ئِ 130 ارب روپئی آن زیات و پاکستان اٹامک انرجی کمیشن ئِ 17 ارب روپئی آن زیات نا فنڈ جاری کننگانے۔ وزیراعظم ورناتا پروگرام کن ہشت ارب روپئی وخت اس کہ آزاد کشمیر، گلگت بلتستان ، سیفران و فاٹا تون اوار خصوصی علاقہ غاتا شونداری کن 44 ارب روپئی آن زیات نا فنڈ جاری کرینے۔
