پاکستانی سفارت خانہ و آل نیبرنا کنڈآن واشنگٹن اٹی ایسٹرڈ نر نا دود، سینیٹر رچرڈ ڈک بلیک مہمان خاص ئس
واشنگٹن۔ 09 اپریل (اے پی پی) امریکہی ٹی پاکستانی سفارت خانہ و اسہ ہندی غیر سرکاری تنظیم ”آل نیبرز“ نا کنڈآن واشنگٹن ڈی سی ٹی ایسٹر ڈنر نا دود اس مس۔ دانا مہمان خاص سینیٹر رچرڈ ڈک بلیک ئس۔ دود آن تران کرسا پاکستان نا سفیر اعزاز احمد چوہدری امن، مابت و اومیت نا کلہو ئِ تننگ و تینا لمہ وطن و امریکہ نا نیام اٹ پول انا کڑد ادا کننگ آ پاکستانی نژاد مسیحی برادری نا ستائِ کرے۔ اوپاکستان نا قومی شونداری ٹی ہم مسیحی برادری نا کڑد انا ہم ستائِ کرے۔ داوخت آ او دود انا ساڑی مروک آتے مبارکبادی تس و اوفتے کن نیک جوزہ غاتا درشانی ئِ کرے۔ اونا پاننگ ئس کہ آخبت اٹی ہم داوڑنا دود آتے کن سفارت خانہ نا درگہ ملوک مریک ۔ داوخت آ چندی گرجاگھر آتیان تعلق تخوک آ مذہبی راہشون آک دعاکرفیر و مسیحی برادری نا کنڈآن پاکستانی الس کن نیک است خواہی تا درشانی ئِ کریر ۔ ورناتا اسہ رڑاس دودوربیدہ ہی شواس ہم پیش کرے۔ دود اٹی مذہبی راہشون ، پاکستان مسیحی برادری نا خاہوت، چندی امریکی محکمہ غاتا افسر و امریکی شاریک ہم بھلو کچ اسے ٹی ساڑی ئسر۔
