اسلام آباد۔ 08 اپریل (اے پی پی) بنجائی وزیر مذہبی امور بین المذاہب ہم آہنگی سردار محمد یوسف تون امام کعبہ شیخ صالح بن محمد بن ابراہیم ہفتہ نا دے وزارت مذہبی امور اٹی اوڑدہی کرے۔ بنجائی وزیر امام کعبہ ئِ جم و جوش اٹ بخیر کرے۔ اوڑدہی ٹی تین پہ تینی است خواہی نا معاملہ غاتیا خیال آتا درشانی ئِ کننگا۔ داوخت آ بنجائی وزیر پارے کہ مسلم دنیا نا ویل آتا ایسری کن مسلم دنیا ٹی سوگوی و سیوت وخت انا گرج ئِ۔ اوپارے کہ پاکستان چندی مذہب و فرقہ غاتا نیام اٹ ہم آہنگی ودی کننگ کن اہم گام گیج کننگ ئِ و علماءاسکالرز کونسل نا قیام ہندا چرجوئی نا اسہ کڑی اسے۔داوخت آ بنجائی وزیر حج بست و بند آتیا سعودی عرب نا کوشست آتا ستائِ کرے۔ سردار یوسف پارے کہ پاکستان نا حکومت انٹرنیٹ آ توہین آمیز مواد آتا شینک نا توننگ کن زموارانہ کڑد ادا کننگ ئِ۔ اوپارے کہ دا وڑنا مہم نا پد اٹ ساڑی عنصر آتے کانود نا رداٹ اتنگ انگ ئِ وخت اس کہ خار انگیز ویب سائٹ ئِ بند کننگ انگ ئِ۔

متعلقہ مضامینمصنف کی طرف سے مزید