کٹاس راج۔ 08 اپریل (اے پی پی) منیجنگ ڈائریکٹر پاکستان ٹورزم ڈویلپمنٹ کارپوریشن (پی ٹی ڈی سی ) چوہدری عبدالغفور خان پارینے کہ وزیراعظم محمد نواز شریف نا سروکی ٹی سرسہب آپریشن ضرب عضب آن پد پاکستان رکھوک مننگ آ سیل و سوات نا درگہ ملنگانے، اینخو سال انا ایسر اٹی اقوام متحدہ نا جہانی سیل و سوات تنظیم (ّیو این ڈبلیو ٹی او) نا دیوان پاکستان اٹی مریک، سکھ، ہندو، بدمت کمیونٹی نا مذہبی عبادت گاہ پاکستان ئِ ، دا مذہبی برادری نا پاکستان ہن و بر ئِ آسان جوڑ کننگ کن ویزہ پالیسی ئِ ہم نرم کننگ آ سجفنگ انگ ئِ، کٹاس راج یونیورسٹی، حسن ابدال بابا گرونانک نا پن اٹ بھاز بھلو یونیورسٹی اس جوڑ کینہ۔ او ہفتہ نا دے کٹاس راج اٹی چکوال چمبر آف کامرس اینڈ انڈسٹری نا کنڈآن سیل و سوات کانفرنس آن تران کریکہ۔ کانفرنس اٹی چیئرمین پی ٹی ڈی سی ایس ایم منیر، سینیٹر الیاس احمد بلور، فیڈریشن چیمبر آف کامرس نا صدر زبیر طفیل ، راولپنڈی چیمبر آن سہیل الطاف، سید اسد مشہدی، اسلام آباد چیمبر آن ظفر بختاوری ، چکوال چمبر اینڈ انڈسٹری نا چیئرمین قاضی محمد اکبر، صدر خرم کامران آن بیدس مچ آ ملک انا چندی چمبرز آف کامرس نا عہدیدار ، پارلیمنٹ نا باسک آک ساڑی ئسر۔
