اسلام آباد۔ 08 اپریل (اے پی پی) بھارت اٹی پاکستانی ہائی کمشنر عبدالباسط پارینے کہ کشمیر پاکستان و بھارت نا نیام اٹ غٹ آن بھلا جھیڑہ ئِ، بھارت اقوام متحدہ نا قرارداد آتیا عمل کپننگ ئِ ، کلبھوشن یادیو و سمجھوتہ ایکسپریس کون آ واقعہ غاک ہڑتوم آ کنڈآتا تعلقداری تے خراب کننگ نا سوب جوڑ مریرہ۔ نئی دہلی ٹی بھارتی ٹی ویئِ انٹرویو ترسا عبدالباسط پارے کہ ممبئی جلہو نا جاست وپاست کن پاکستانی جوڈیشل کمیشن ئِ بھارت آ بننگ اٹی چار سال لگا۔ داخاصا پیچیدہ ئُ معاملہ اسے، بھارت ئِ کمک کروئی مریک ۔ اسہ سوج اسے نا ورندی ٹی اوپارے کہ بھارت نا کنڈآن پاکستان ئِ تنیا کننگ نا تغ بیرہ تغ اس سلک۔ اودوٹوک لوز اٹی پارے کہ پاکستان اٹی نزوری اوغانستان نا کمک اٹ ودی کننگ انگ ئِ ۔ دہشت گردی نا بابت سوج آ عبدالباسط پارے کہ دا مچ آ ڈیہہ انا ویل ئِ۔
