اسلام آباد۔ 08 اپریل (اے پی پی) پاکستان و کوسوو ہڑتوم آ کنڈآتا سیاسی صلابت نا اولیکو مرحلہ ئِ اہم مزل نا نشان اس گوندسا اقتصادی ، واپاری ، زرکاری و تعلیم تون اوار چندی بشخ آتیٹی ہڑتوم آ کنڈآتا کمکاری ئِ پین سوگو کننگ آ امنا کریر۔ دفترخارجہ نا ترجمان نا رداٹ دا امنائی تدوک آ دے پرسٹینا ٹی اڈ ہلوک آپاک۔کسوواہڑتوم آ کنڈآتا سیاسی صلابت نا اولیکو مرحلہ نا بنائی سیشن اٹی خننگا۔ ایڈیشنل سیکرٹری ( یورپ) ظہیراے جنجوعہ پاکستانی ڈل وخت اس کہ وزارت خارجہ امور کسوو نا ڈپٹی ڈائریکٹر جنرل محمد براج شوری تینا ملک انا نمائندگی ئِ کرے۔ ترجمان نا رداٹ دیوان اٹی پاک کسوو تعلقداری نا غٹ پلو آتا جاچ ئِ ہلنگا و سیاسی صلابت نا اولیکو مرحلہ ئِ اہم مزل نا نشان گوندنگا۔ داڑآن ہڑتوم آ ملک آتا نیام اٹ سیاسی، اقتصادی ، واپاری و تعلیم تون اوار چندی بشخ آتیٹی ہڑتوم آ کنڈآتا کمکاری ئِ پین سوگوی رسینگک۔ ایڈیشنل سیکرٹری ظہیر جنجوعہ یونیورسٹی آف پرسٹینا نا وائس ریکٹر تون ہم اوڑدہی کرے۔
