اسلام آباد۔ 08 اپریل (اے پی پی) صدر آزاد جموں و کشمیر سردار مسعود خان پارینے کہ کشمیر ایجوکیشن فاﺅنڈیشن ریاست نا خلقی علاقہ غاتا نیزگار طالب علم آتے جدید علوم نا تعلیم فراوان کننگ ئِ ، فاﺅنڈیشن نا کنڈآن داوخت آ راولاکوٹ اٹی پرل ویلی پبلک اسکول، بنجونسہ پبلک اسکول و راولپنڈی نا خلقی علاقہ ٹی سواں پبلک اسکول و کالج آف ٹیچرز ایجوکیشن بسالی کاریم کننگ ئُ۔ آزاد کشمیر حکومت ریاست اٹی معیار تعلیم ئِ گچین جوڑ کننگ و استاد آتا تربیت کن برٹش کونسل تون مفاہمت نا یات داشت آتیا دستخط کرینے، کشمیر ایجوکیشن فاﺅنڈیشن نا بورڈ آف ٹرسٹیسز نا خواہش ئِ کہ دا پروگرام اٹی فاﺅنڈیشن ئِ ہم اوار کننگے۔ داخیال آتا درشانی ئِ او تدوک آ دے کشمیر ہاﺅس صدارتی سیکرٹریٹ اٹی برٹش کونسل نا مسکوہی چیئرمین ڈیوڈ گرین تون ہیت وگپ کرسا کرے۔ ہرااوڑتون اوڑدہی کریر و آزاد کشمیر اٹی تعلیمی معیار ئِ ودفنگ و استاد آتا تربیت تون اوار تین پہ تینی است خواہی نا معاملہ غاتیا سرجم خیال آتا درشانی ئِ کریر۔
