اسلام آباد۔ 08 اپریل (اے پی پی) دفترخارجہ نا ترجمان نفیس ذکریا پارینے کہ پاکستان غٹ ہمسایہ ملک آتون پرامن تعلقداری نا خواہندار ئِ، پاکستان بھارت تون کشمیر تون اوار غٹ ویل آتیا ہیت وگپ کننگ خوائک ولے او مذاکرات نا میز آ بفننگ ئِ۔ دفترخارجہ نا ترجمان نفیس ذکریا اسہ انٹرویو اسے ٹی پارے کہ پاکستان غٹ ہمسایہ ملک آتون پرامن تعلقداری تا خواہندار ئِ،پاکستان بھارت تون کشمیر تون اوار غٹ ویل آتیا ہیت وگپ کننگ خوائک۔ ولے بھارت ہڑتوم آ کنڈآتیا ہیت وگپ کن مذاکرات نا میز آ بفننگ ئِ۔ اوپارے کہ بھارت و پاکستان نا نیام اٹ کشمیر بنداوی جھیڑہ ئِ ۔ نفیس ذکریا پارے کہ بھارت انسانی حق انا سنگین خلاف ورزی تیٹی اوار ئِ و پاکستان نا برخلاف بھارتی عزم آن مچ آ دنیا معلومدار ئِ۔
