اسلام آباد۔07اپریل ( اے پی پی) ملک مستر ممنون حسین ءَ گشتگ کہ راج ناشرکاری ءِ ھلاسی ءِ ھاترءَ اِنت۔ ملک ءِ بازیں بھر آں ناشرکاری ءُ لاقانونیت ءِ جیڑھ ءُ جنجالانی دیم پانی بوتگ نوں بازیں ھدے ءَ گرءُ دار کنگ بوتگ ، آپریشن ضرب عضب ءِ سوبمندی ءَ پد نوں آپریشن ردالفساد ءِ وسیلگ ءَ ناشرکاری ءُ آھانی کمک کارانی ھلاپ ءَ بے ریاح ءُ روھ کاروائی کنگ بوھگ ءَ اِنت ، حکومتءَ ناشرکاری ءِ سرگچّل کنگ ءِ جز م کتگ ۔ اے گپ آئی ءَ جمعہ ءِ روچءَ ایوان صدر ءَ کمانڈاینڈ اسٹاف کالج کوئٹہ ءِ زیر تربیت افسر آنی گوما گند ءُ نند ءِ وھدءَ کتگ کہ ایشانی تہا کمانڈاینڈ اسٹاف کالج کوئٹہ ءِ زیر تربیت افسر آں ابید مزنیں حکام ھوار بوتگ اَنت۔ صدر ءَ اے موھ ءِ سرءَ فوجی افسر آں گوں گپءُ تران کنانءَ کتگ کہ بدامنی ءُ ناشرکاری ءَ را گرءُ دار کنگءِ ھاترءَ پاک فوج ، سیکیورٹی فورس ءُ سول انتظامیہ ءِ ناتُرسیں کردءُ قربانی آنی سوب ءَ دگنیا مرچی مھکمیں پاکستانءِ نیمگءَ چارگءَ اِنت۔
