اسلام آباد۔07اپریل ( اے پی پی ) مزن وزیر محمد نواز شریف ءَ چین پاکستان اقتصادی راہداری ءِ ردءَ دراھیں منصوبہ آنی سرءَ وھد ءِ سرءَ ءُ اثر مندیں عمل درآمد ءِ ھاترءَ سرجمیں جزم ءِ درشانی کتگ ءُ گشتگ کہ سی پیک ءَ را راستیں دروشمے دیئگ ءِ ھاترءَ مہ چین ءِ وزار ت ءُ ادارگ آنی کمک ءِ منت وار اَنت، ملک ءَ چہ توانائی ءِ پدمنتگی ءِ ھلاسی کنگ آ ئیءِ حکومت ءِ اولی دلگوشی اِنت۔ آئیءَ اے گپ جمعہ ءِ روچءَ پاورکنسٹرکشن کارپوریشن آف چائنہ ءِ چیئرمین بورڈ آف ڈائریکٹرز ءُ صدر یان ژی یانگ ءَ گوں گپ ءُ تران کنانءَ کتگ کہ آئی ءَ ڈل ءِ ھمرائی ءَ آئی ءَ گوں گند ءُ نند کتگ۔ مزن وزیر ءَ چینی ڈل ءَ را وش اَتک کتگءُ گشتگ کہ پاکستان ءُ چین ءِ درنیامءَ شرپ ءُ اوست ءِ نمیرانیں دوستی جوڑ اِنت۔ مزن وزیر ءَ اے اُمیت ءِ درشانی کتگ کہ چین پاکستان اقتصادی راہداری ءِ ردءَ پاکستان دراھیں منصوبہ آنی سرءَ وھدءِ سرءَ ءُ اثر مندیں عمل درآمد ءِ ھاترءَ سرجمیں جزم ءِ درشانی ءَ کنت۔ آئی ءَ گشتگ کہ سی پیک ءَ را راستی ءِ دروشمے دیئگ ءِ ھاترءَ مہ چین ءِ وزارت ءُ ادارگ آنی منت وار اَنت۔ آئیءَ گشتگ کہ ملک ءَ چہ توانائی ءِ پدمنتگی ءِ ھلاس کنگ حکومت ءِ اولی دلگوشی اِنت۔ مزن وزیر ءَ پاور چائنہ ءِ کمک ءَ را ساڑاتگ ءُ اے اُمیت ءِ درشانی کتگ کہ بجلی ءِ منصوبہ آنی گشادی ءَ چہ توانائی ءِ مدمنتگی ءَ را ھلاس کنگ ءَ کمک رسیت۔
