ساڑی حکومت جان جوڑی نا نظام ئِ پین گچین جوڑ کننگ کن پرعزم ئِ
اسلام آباد۔ 07 اپریل (اے پی پی) وزیراعظم محمد نواز شریف جان جوڑی ئِ راجی بشخ اٹی اولیتی ایجنڈا گوندسا پارینے کہ شونداری نا ہدف آتے جان جوڑقوم انا تشکیل نا کنڈآ گام گیج ہرفنگ آن بیدس دوئی کننگ مفک، ساڑی حکومت جان جوڑی نا نظام ئِ پین گچین جوڑ کننگ کن پرعزم ئِ ، او وزیراعظم نا قومی جان جوڑی پروگرام نا بنائِ کرینے ہرانا مسخت راج انا نیزگار تپہ ئِ جان جوڑی نا مفت پوسکن آ آسراتی تننگ نا ئِ اوداہیت ئِ جمعہ نا دے پاکستان تون اوار مچ آ دنیا ٹی اڈتروک آ جہانی یوم جان جوڑی نا وخت آ تینا اسہ کلہو اسے ٹی پارے۔ وزیراعظم پارے کہ ای دا بنگٹ کنے بھاز خوشی مس کہ پاکستان جہانی یوم جان جوڑی اڈتننگ اٹی جہانی برادری تون شریک ئِ۔ اوپارے کہ 2015ءٹی بناءکروک قومی جان جوڑی پروگرام آن اسلام آباد، کوئٹہ ، لورالائی، لسبیلہ، کیچ ، مظفر آباد، کوٹلی ، سکردو ، دیامر ، رحیم یار خان ، خانیوال ، نارروال ، سرگودھا، باجوڑ ایجنسی و ٹھٹھہ تون اوار ملک انا 16ضلع غاتیٹی نیزگار خلقت جان جوڑی نا گچین آسراتی تیان فائدہ ہرفنگ ئُ۔ اوپارے کہ 16لکھ آن زیات خاہوت داوخت اسکان دا پروگرام اٹی تینے درج کرفینو و 18 ہزار بندغ نا مقررہ ہسپتال آتیان چندی ناجوڑی تا درمان کننگانے۔ وزیراعظم پارے کہ داسال جہانی ادارہ جان جوڑی جہانی یوم جان جوڑی ئِ ”ڈپریشن “ تون منسوب کرینے۔
