اسلام آباد۔ 7 اپریل (اے پی پی) صدر مملکت ممنون حسین ئَ گوشت کہ راج ناشرکاری ئِ ھلاسی ئِ ھاترا یک مشت بہ بنت۔ ملک ئِ بازیں بھر آنی تہ ئَ ناشرکاری ئُُ کانود ئِ مھکم نہ دارگ ئِ سبب ئَ جیڈھ آنی گوما دیم پہ دیمی بوھگ ئَ اِنت ئُُ ایشی ئَ را مزنیں کساس ئَ گر ئُُ در کنگ بوتگ، آپریشن ضرب ئِ عضب ئِ کامیاتی ئَ پد نوں آپریشن رد الفساد ئِ وسیلگ ئَ ناشرکاری ئُُ آوانی کمک کنوک آنی ھلاپ ئَ کاروائی کنگ بوھگ ئَ اِنت، حکومت ناشرکاری ئِ وڑیں سِل کاری ئَ را سر گچل کنگ ئِ واستہ دل یکیم اِنت، اے گپ آئی ئَ آدینگ ئِ روچ ئَ ایوان ئِ صدر ئَ کمانڈ اینڈ اسٹاف کالج کوئٹہ ئَ سِککوکیں اپسرگ آں گوں گپ ئُُ تران ئِ ساھت ئَ کُت اَنت ایشی ئِ تہ ئَ کمانڈ اینڈ اسٹاف کالج کوئٹہ ئِ چیر دستی ئَ اپسرگ آں ابید دِگہ بازیں مردم آں بھر زُرت۔ صدر ئِ مملکت ئَ اے موہ ئَ اُردی اپسرگ ئَ گوں گپ ئُُ تران کنان ئَ کُت کہ بے ایمنی ئُُ ناشرکاری ئَ گوں گر ئُُ چیل بوھگ ئِ ھاترا پاک اُرد، سیکورٹی فورسز ئُُ اُلسی انتظامی ئِ بے تُرسیں کرد ئُُ قربانی آنی سبب ئَ دُگنیا مروچی مھکمیں پاکستان ئِ نیمگ ئَ چارگ ئَ اَنت۔
