اسلام آباد۔ 7 اپریل (اے پی پی) مزن وزیر محمد نواز شریف ئَ چین پاکستان اقتصادی راہداری ئِ چیر دستی ئَ توامیں منصوبگ آنی سر ئَ جوانیں وھد ئُُ پاس ئِ تہ ئَ گامگیج زُرگ ئِ دلوشی ئِ درشان کتگ ئُُ گوشتگ کہ سی پیک ئَ را گواچنی رنگ ئُُ دروشم دیگ ئِ واستہ ما چین ئِ وزارت ئُُ ادارگ آنی کمک ئِ شگر ئُُ منت ئَ گرآں، ملک ئَ چہ ھاٹیگ ئِ کمیگ ئَ ارا ھلاس کنگ حکومت ئِ اولی ترجی اِنت۔ آئی ئَ اے گپ آدینگ ئِ روچ ئَ پاور کنسٹرکشن کارپوریشن آف چائنہ ئِ چیئرمین بورڈ آف ڈائریکٹرز ئُُ صدریان ڑی یانگ ئَ گوں تران کنان ئَ کُت اَنت ، ایشانی ٹولہ ئَ گوں مزن وزیر ئَ گند ئُُ نند کُت۔ مزن وزیر ئَ چینی ٹولہ ئَ را وش اتک کُت ئُُ گوشت کہ پاکستان ئُُ چین ئِ نیام ئَ وت مہ وتی شرپ ئُُ بیسہ چہ پُریں ٹوھیں دوستی برجا اِنت۔ مزن وزیر ئَ اے گپ ئِ درشان کُت کہ چین پاکستان اقتصادی راہداری ئِ چیر دستی ئَ پاکستان ئِ توامیں منصوبگ آنی سرئَ جوانیں وھد ئُُ پاس آنی تہئَ گامگیج زورگ ئِ دلوشی ئِ درشان کُت۔ آئی ئَ گوشت کہ سی پیشک ئَ را گواچنی لکا دیگ ئِ ھاترا ما چین ئِ وزارت ئُُ ادارگ آنی سک باز منت وار آں۔ آئی ئَ گوشت کہ ملک ئَ چہ ھاٹیگ ئِ کمیگ ئَ را ھلاس کنگ آئی ئ ِ اولی ترجی اِنت۔ مزن وزیر ئَ پاور چائنہ ئِ کمک ئَ را ساڑآں ئَ اے اُمیت ئِ درشان کُت کہ بجلی ئِ منصوبگ آناں سبک گامی ئَ جوڑ کنگ ھاٹیگ ئِ کمیگ ئَ را گر ئُُ دار کنگ ئَ کمک رسیت۔
