اسلام آباد۔ 07 اپریل (اے پی پی) بنجائی وزیر مذہبی امور سردار محمد یوسف پاکستان نا حج کوٹہ ٹی ودکی کن کوشست آتے ترند کرینے۔ اومیت ئِ کہ مردم شماری نا حساب وکتاب بننگ آن پد اینخو سال ہی پاکستان نا حج کوٹہ ٹی ودکی کننگک۔ وزارت مذہبی امور نا ذرائع نا پاننگ ئِ کہ بنجائی وزیر امور سردار محمد یوسف پبی وڑاٹ کوشست کننگ ئِ کہ پاکستان نا حج کوٹہ ٹی ودکی کننگے تانکہ اینخو سال زیات آن زیات حج انا خواہش مند پاکستانی حج انا فرض انا ادائیگی کن حج مبارک آ رادہ مننگ کیر۔ دابابت گدرینگوک آ سعودی عرب نا دورہ ٹی ہم او سعودی وزارت مذہبی امور تون حج پالیسی 2017 ءآ مذاکرات اٹی حج کوٹہ ٹی ودکی نا بابت پبی وڑاٹ توار چست کرے ہرانا ورندی ٹی اودے سعودی وزارت حج انا کنڈآن باوری ترفنگاکہ پاکستان نا آبادی نا حساب وکتاب نا رداٹ حج کوٹہ آ نظرثانی کننگک۔ ذرائع نا پاننگ ئِ کہ تدوک آ دے سعودی وزیر مذہبی امور شیخ صالح بن عبدالعزیز تون پشاور اٹی مروک آ اوڑدہی ٹی ہم وزیر مذہبی امور سردار محمد یوسف پاکستان نا حج کوٹہ ٹی ودکی نا بابت تینا موقف ئِ ولدا پیش کرے ہرانا ورندی ٹی سعودی وزیر حج اودے باوری ترفے کہ پاکستان نا حج کوٹہ ئِ ودفنگ نا بابت گام گیج ہرفنگک۔

متعلقہ مضامینمصنف کی طرف سے مزید