مستونگ شکست اٹی ٹھپی مروک آ مسافر آتے درمان نا گچین آسراتی فراوان کننگے، وزیر اعلیٰ بلوچستان نواب ثناءاللہ خان زہری نا محکمہ جان جوڑی ئِ پارت

کوئٹہ۔ 07 اپریل (اے پی پی) وزیراعلیٰ بلوچستان نواب ثناءاللہ خان زہری مستونگ نا خڑک مسافر کوچ انا شکست اٹی نہادی جان تا زیان آ است ہسونی نا درشانی ئِ کرسا ضلعی انتظامیہ و محکمہ جان جوڑی نا کمامدارآتے پارت کرینے کہ او شکست اٹی ٹھپی مروک آ مسافر آتا درمان تون اوار ہروڑنا امداد فراوان کننگے۔ داکان بیدس وزیراعلیٰ بلوچستان نواب ثناءاللہ خان زہری نا پارت آ سیکرٹری جان جوڑی عصمت اللہ کاکڑ جمعہ نا دے سول ہسپتال کوئٹہ نا دورہ ئِ کرسا شکست اٹی ٹھپی مروک آ مسافر آتا جان پڑسی ئِ کرسا ایم ایس سول ہسپتال ئِ پارت کرے کہ ٹھپی تے دارودرمان نا گچین آسراتی فراوان کننگے و دارداٹ ہچ ئُ ڈیوالائی اسے سگنگ پننگک۔