اسلام آباد۔ 06اپریل (اے پی پی) بنجائی وزیر بین الصوبائی رابطہ میاں ریاض حسین پیر زادہ پارینے کہ حکومت چندی گوازی تا مون آ دننگ نا رداٹ گوازی تا سوگو ادارہ غاتا تشکیل کن چین و ایران تون اوار ایلو ملک آتون مفاہمت نا یات داشت آتیا سجفنگ اٹی ئِ، وزیراعظم محمد نواز شریف ملک اٹی گوازی تا معیار و اوفتا سرجز آتا مون آ دننگ اٹی بھاز است خواہی تخک۔ ”اے پی پی“ ئِ تینا اسہ خصوصی ئُ انٹرویو اسے ٹی میاں ریاض حسین پیر زادہ پارے کہ ملک اٹی گوازی تا سوگو ادارہ غاتا تشکیل کن بنائی وڑاٹ 3ملک آتون مفاہمت نا یات داشت آتیا دستخط کننگ۔ دا فتے ٹی زمبابوے ، چین و ایران اوار ئُ۔ داکان بیدس گڑاس ایلو ملک آتون ہم ہندن انگا یات داشت آتیا دستخط نا بابت سجفنگ انگ ئِ دامفاہمت نا یات داشت آتا مسخت اتھلیٹکس نا جدید بنداو تیا تربیت نا فراوانی ئِ المی جوڑ کننگ نا ئِ۔
