اسلام آباد۔ 05اپریل (اے پی پی) وزیر مملکت اطلاعات، نشریات و قومی میرات مریم اورنگزیب پارینے کہ وزارت عظمیٰ نا کرسی نا ہوس عمران خان ئِ ذہنی مریض جوڑ کرینے، بنجاتو انت 2018 ٹی خیبر پختونخوانا خلقت ہم اودے اونا نابودی ، انتشاری و پھساتی سیاست نا سوب آن مسترد کیک، اونا ہرا صوبہ ٹی حکومت ئِ ہموجاگہ نا احتساب کمیشن نا تالائِ ملے، عمران خان پائے کہ خیبر پختونخواٹی اسکول آتا گچینی کن انت کننگا؟، مچ آ ملک انا ٹھیکہ ئِ ہلے ، خیبرپختونخوا نا الس نا پلوک آ پیسہ غاتے اول تینا صوبہ غا خڑچ کے۔ داخیال آتا درشانی ئِ او چارشنبے نا دے داڑے تینا جاری کروک آ بیان اٹی کرے۔اوپارے کہ نی خیبر پختونخوا نا اسکول آتیٹی اسہ ہم پوسکن ئُ اسکول روس اس جوڑ کروک نشان ایتے۔ عمران خان صاحب خیبر پختونخوا ٹی 25لکھ آن زیات اسکول آتیان پیشن چناک نا کسر ئِ ہُننگ ئُ۔ اوپارے کہ خیبر پختونخوا ٹی 3000 آن زیات اسکول آتیٹی واش روم اف، 10 ہزار اسکول بجلی آن بیدس ئُ، 7 ہزار آن زیات اسکول آتیٹی صفائُ دیر کُننگ آن محروم ئُ۔ اوپارے کہ خیبر پختونخوا نا اسکول نا چناک عمران خان نا چکار نا چاری ئُ۔ اوپارے کہ شرکئِ پونے 4سال پد تعلیم نا اولیت جوڑ مس، داسہ دا اولیت ئِ کارکڑد اٹ بدلیف۔ وزیر مملکت اطلاعات پارے کہ تعلیمی اصلاحات اٹی کمک درکار ئِ تو پنجاب اٹی محمد شہباز شریف و بنجاٹی مریم نواز، تون رابطہ کر ۔ اوعمران خان تون پارے کہ او بنجاٹی حکومت جوڑ کننگ نا تغ ئِ خنپ و ہراوخت بچانے خیبر پختونخوا نا خلقت نا خذمت ئِ کر۔ وزارت عظمیٰ نا کرسی نا ہوس عمران خان ئِ ذہنی مریض جوڑ کرینے و اودے داہم سمااف کہ او حکومت نا بشخ ئِ۔ اوپارے کہ بنجاتو انت 2018ءٹی خیبرپختونخوا نا خلقت ہم عمران خان ئِ اونا نابودی ، انتشاری و پھساتی سیاست نا سوب آن مسترد کیرہ۔
