کوئٹہ۔ 05اپریل (اے پی پی) اسپیکر بلوچستان اسمبلی راحیلہ حمید خان درانی پارینے کہ سردار بہادر خان وویمن یونیورسٹی نا طالب علم آتے کن 14کروڑ روپئی نا خڑچ آن 4 سال انا چنکو وخت اسے ٹی شاندار ہاسٹل اس جوڑ جاڑ کرفے دا کنا وژن ئِ کہ تعلیم نا مون آ دننگ کن ہروڑکوشست کننگے، تعلیم نا دوئی آن بیدس شونداری ممکن اف۔ داخیال آتا درشانی ئِ او چارشنبے نا دے سردار بہادر خان وویمن یونیورسٹی ٹی تینا فنڈ آن جوڑ جاڑ مروک آ گرلز ہاسٹل نا بنائی دود انا وخت آ میڈیا تون ہیت وگپ کرسا کرے۔ اسپیکر بلوچستان اسمبلی راحیلہ حمید خان درانی پارے کہ ہراتم اولیکو وار یونیورسٹی نا دورہ ئِ کریٹ تو کنے دلی افسوز مس کہ مچ آ بلوچستان آن تعلیم دوئی کروک آ چناک ہاسٹل مفننگ نا سوب آن مشکل آتا گواچی ئُ ہنداخاطران ای تینا فنڈ آن 14کروڑ روپئی جتا کریٹ ہراڑآن شاندار ماڑی نا جوڑجاڑ مننگ کرے، داوخت آ وزیر تعلیم بلوچستان عبدالرحیم زیارتوال و پرنسپل سردار بہادر خان وویمن یونیورسٹی ، استاد و طالب علم آتا بھلو کچ اس ساڑی ئسر۔
