وزیر مملکت اطلاعات و نشریات مریم اورنگزیب نا لاہور اٹی مردم شماری ٹیم آ لغور انگا کارروائی نا ترندی اٹ مذمت

اسلام آباد۔ 05اپریل (اے پی پی) وزیر مملکت اطلاعات ، نشریات و قومی میرات مریم اورنگزیب لاہور اٹی مردم شماری ٹیم آ لغور انگا جلہو نا ترندی اٹ مذمت ئِ کرینے ہراٹی 4 سیکورٹی کارندہ غاتون اوار 6 بندغ شہید مسنو۔ چارشنبے نا دے داڑے اسہ بیان اسے ٹی وزیر مملکت دہشت گردی نا دا گھناﺅنی کارروائی نا ترندی اٹ مذمت ئِ کرسا اودے سیکورٹی کارندہ غاتون اوار 6نہادی جان تا زیان آ دلی ڈکھ مس اوشہید آتا خاہوت آتون ہڑزخواہی کرسا دہشت گردی نا کارروائی ٹی ٹھپی مروک آ بندغ و اوفتا عزیز و قریب آتون ہم ہمدردی نا درشانی ئِ کرے۔ اودعا کرے کہ اللہ تعالیٰ ایماندار تے جنت الفردوس اٹی جاگہ ایتے و ٹھپی تے زوت جان جوڑ کے۔ اوپارے کہ داڈول نا جلہو ننا الس ، حکومت و سیکورٹی و کانود نافذ کروک آ ادارہ غاتا دہشت گرد آتا برخلاف جنگ و لمہ وطن ئِ دہشت گردی نا لعنت آن پاک کننگ نا عزم ئِ لڑزوخ کننگ کپسہ۔