اسلام آباد۔ 15ستمبر (اے پی پی) ڈپٹی چیئرمین سینیٹ مرزامحمد آفریدی پارینے کہ روس اتون گچین تعلقداری پاکستان ناخارجہ پالیسی نا اولیت آتے ٹی ءِ، ہڑتوم آ ملک آتے ٹی بڑزکو کہول آ رابطہ برقرار ءِ ہراکہ ستاکڑزک، ریلوائی، ٹرانسپورٹ، معدنیات، پاور جنریشن، آئل اینڈ گیس انا بشخ آتے ٹی پاکستان و روس انا نیام اٹ شریداری است جم ءِ۔ داخیال آتا درشانی ءِ او اسلام آباد اٹی روسی سفیر ڈنیلا گاینچ تون ورچوئل اوڑدہی اسے ٹی گپ وتران کرسا کرے۔ اوڑدہی ٹی تین پہ تینی است خواہی نا باندات، اوغان حالیت و است خواہی ناایلو باندات آتیا گپ وتران کننگا۔ ڈپٹی چیئرمین پارے کہ روس اتون گچین تعلقداری پاکستان نا خارجہ پالیسی نا اولیت آتے ٹی ءِ۔ تدوک آ اِرادہائی ٹی ہڑتوم آ ملک آتا نیام اٹ تعلقداری ٹی بھاز گچینی بسنے۔ اوپارے کہ ہڑتوم آ ملک آتے ٹی بڑزکو کہول آ رابطہ برقرار ءِ ہراکہ ستاکڑزک۔ ساڑی ہی ٹی وزیراعظم عمران خان و صدر پوٹن نا نیام اٹ اوغانستان تون اوار تین پہ تینی تعلقداری ءِ مون آ دننگ نا بابت معنی خیز ٹیل فون آ گپ وتران مسنے۔ فریق آک سینیٹ آف پاکستان و کونسل آف دی فیڈریشن نا نیام اٹ تعلقداری تے سوگو کننگ آن بیدس موسمیاتی بدلی، نیزگاری، انسانی حق کون آ چیلنج آتون مون تننگ کن اواری اٹ کاریم کننگ نا گرج آ ہم زور شاغانو۔ مرزاآفریدی پارے کہ کورونا نا توننگ کن روسی ویکسین سپوٹنک روسی حکومت نا سفت نا قابل گام اسے۔ ہڑتوم آ ملک آک آئی پی یو و اے پی اے نا ممبر ءُ۔ ہڑتوم آ ملک آک داوڑنا فورم تیا جہانی شونہالی و پرامن، آخبت کن کاریم کیر۔ اوپارے کہ پاکستان، پاک سٹریم گیس پیپ لائن ڈٹ انا زوت پوروی کن سنبرینگوک ءِ۔ ڈٹ ءِ حتمی دروشم اس تننگ کن تکنیکی کمیٹی نا باقاعدگی اٹ دیوان مننگ ءِ۔ مرزاآفریدی پارے کہ پاکستان و روس اتون تین پہ تینی است خواہی نا امور آ گپ وتران کن جے سی سی، جوائنٹ ورکنگ پڑک آن انرجی کوآپریشن، انسداد دہشت گردی کن جوائنٹ ورکنگ پڑک کون آ ادارہ جاتی میکنزم اس ساڑی ارے۔
