اسلام آباد۔04اپریل ( اے پی پی) مزن وزیر ئِ دری کارانی ھاسیں کمک کار سیّد طارق فاطمی ئَ گوں سئے شمبےئِ روچئَ مراکش ئِ انوں بوتگیں تعینات بوتگیں سفیر محمد کرمونی ئَ گندءُ نند کتگ۔ طارق فاطمی ئَ مراکش ئِ سفیرئَ را وش اَتک کتگءُ گشتگ کہ پاکستان ءُ مراکش ئِ درنیام ئَ سیادی یک وڑیں عقیدہ، راج دپتری تجروبت ءُ دودءُ ربیدگ ئِ بوھگئَ جوڑ اِنت۔ آئی ئَ شاہ محمد چہارم ئِ سروکی ئَ مراکش ئَ بوتگیں دیمروئی ئَ را ساڑاتگ۔ آئی ئَ افریقی یونین ئِ تہا مراکش ئَ را باسکئِ درجگ رسگ ئَ سفیرئَ را مراد بات داتگءُ گشتگ کہ متحدہ افریقی براعظم بازیں دیمروئی ءُ وشھالی ئِ دیمئَ رھادگ اِنت۔ آئی ئَ مراکش ئِ سفیر ئِ پاکستانئَ نندگیں ھاترئَ نیکیں واھشتانی درشانی کتگ۔ آئی ئَ اوست داتگ کہ حکومت پاکستان آئی ئِ گوما فرائض منصبی ئِ ادا کنگئِ وھدئَ ھرچ بوھوکیں کمک ئَ کنت۔
