اسلام آباد۔03اپریل ( اے پی پی) رائل آسٹریلوی فضائیہ ءِ سروک ایئر مارشل گیون نیل ڈیویز ءَ دوشمبےءِ روچءَ ایئر ہیڈکوارٹرز اسلام آباد ءِ ترءُ تاب کتگ۔ ایئر ہیڈکوارٹر اسلام آباد آمد ءَ پاک فضائیہ ءِ سروک ایئرچیف مارشل سہیل امان ءَ شرپ داریں مہما نءَ را وش اَتک کتگ۔ پاک فضائیہ ءِ دستہ ءَ شرپ داریں مہمان ءَ را گارڈ آف آنر پیش کتگ۔ شرپ داریں مہمانءَ پاک فضائیہ ءِ شہید آناں دادءُ سلام پیش کنگءِ ھاترءَ شہیدانی یات گارءِ سرءَ پُھلانی چادر پِر داتگ۔ ایشی ءَ پد پرنسپل سٹاف آفیسرز ءِ مہمان آنی پجاّر کتگ۔ آئی ءَ را پاک فضائیہ ءِ پیشہ وارانہ امورءِ سرءَ بریفنگ دیئگ بوتگ۔ ایشی ءَ چہ پد رائل آسٹریلوی فضائیہ ءِ سروک ءَ پاک فضائیہ ءِ سروک ائیر چیف مارشل سہیل امان ءَ گوں آئیءِ کارگس ءَ گندءُ نند کتگ ءُ پیشہ ورانہ ھدوکیِ کارانی سرءَ ھیال ءُ لیکہ ءِ درشانی کتگ۔
