اسلام آباد۔03اپریل ( ا ے پی پی) مزن وزیر ءِ دری کارانی ھاسیں کمک کار طارق فاطمی ءَ گشتگ کہ سیاسی گپ ءُ تران ءِ وسیلگءَ یک ن نتیجگ ءَ سر بوھگ اوگان جیڑھ ءِ گہتریں گیشءُ گیواری اِنت ۔ اے ھیالانی درشانی آئیءَ اوگان سفیر حضرت عمر زخیل وال ءَ گوں گپ ءُ تران کنان ءَ کتگ کہ آھاں دوشمبے ءِ روچءَ گندءُ نند کتگ ۔ دری کارانی وزارت ءِ نیمگ ءَ جاری بیان ءِ ردءَ طارق فاطمی ءَ اوگان ءِ وتی ءُ اوگانی آنی وسیلگ ءَ امنءُ ایمنی ءِ ھوالگ ءَ پاکستان ءِ نیمگ ءَ آسراتی پھجارینگءِ ھاترءَ کتگیں سنجیدگیں جہدآناں پدر کُت۔ فارق فاطمی ءَ گشتگ کہ ناشرکاری یک یکجائی ھترہ اِت کہ ایشی ءِ ھلاسی ءِ ھاترءَ دوھیں ملک آنی درنیام ءَ کمک ءِ ضلورت اِنت۔ پاکستان ءَ اوگان سرڈگار ءَ چہ جماعت الاحرار ءُ تحریک طالبان پاکستان ءِ انوگیں ناشرکاری اُرشانی گپ کتگ ءُ طارق فاطمی ءَ ناشرکارانی سیمسر ءَ آ دیم ءَ سُرءُ پُر آں دارگ ءِ ھاترءَ آثر مندیں سیمسری ضلورتءِ سرءَ زورپر داتگ۔ اوگان سفیر حضرت عمر زخیل وال ءَ تعمیری گپ ءُ تران ءِ سرءَ طارق فاطمی ءَ را منت وار گشتگ۔ آئیءَ پاکستان ءُ اوگانستان ءِ درنیام ءَ یک وڑیں جیڑھ ءُ جنجالءُ ھترہ ءَ ر ا گیرءُ دار کنگءِ ھاترءَ بامعنی ادارہ جاتی روابط ءِ ضلورتءِ سرءَ زور پر داتگ۔ دوھیں نیمگاں پاکستان ءُ اوگانستان ءِ درنیام ءَ انوں زوتاں ھم تپاکی ءِ گوما دونیمگی کمک میکنیزم ءِ سرءَ زوت عملد رآمد کنگءِ سرءَ تپاک کنگ بوتگ۔
