وزارت مذہبی امورئَ حج پالیسی ئِ مسودہ ئَ را گڑی دروشم داتگ، جار لھتیں روچاں جنگ بیت
اسلام آباد۔3اپریل( اے پی پی) بنی آدم ئِ بنکی ھق آنی بنجاھی وزیر ءُ سینیٹر کامران مائیکل ئَ گشتگ کہ انوگیں حکومتئِ دورئَ مزن وزیر محمد نواز شریف ئِ وژنئِ ردئَ مذہبی آہنگی ئِ دیمئِ برگ ئَ ھوار دگہ بنی آدم ئِ بنکی ھق ءُ ھاس زالبول ءُ زھگءُ اقلیت آنی پہازگ ئِ ھاترئَ کانود جوڑ کنگ بوتگءُ ایشی ئِ سرئَ عمل کنگ بوھگئَ اِنت کہ ایشی ئَ چہ میاں اوستمانی تک ئَ پاکستانئِ پجّار گہتر بوتگ۔ پاکستان ئِ آئین ملک ئِ تہا نندوکیں دراھیں شہر آناں یک وڑئَ دراھیں ھق آنی ضمانت ئَ دنت، اے ھوالگئَ وزارت انسانی ھقوق ، زالبول ، زھگ ءُ اقلیت آنی ھق آناں وھدئِ سرئَ پھجارینگئِ ھاترئَ کانود جوڑ کنگ بوھگئَ اِنتءُ اے ھوالگئَ دراھیں صوبہ آں ھوار ھمراہ داری ئَ لوٹ بوتگیں اہداف ئَ سرئَ سرجم کنگئِ ھاترئَ کار بوھگئَ اِنت۔ دوشمبے ءِ روچئَ یک بیانے ئِ تہا بنی آدمئِ ھق آنی بنجاھی وزیر کامران مائیکل ئَ گشتگ کہ پاکستان ئِ تہا بنی آدمئِ ھق آنی بنکی ھق آنی پلگارگ ءُ ھاس زالبول ، زھگ ءُ اقلیت آنی تحفظ ئِ ھاترئَ گامیگج چست کنگ بوتگ اَنت ءُ اے ھوالگئَ گیش کانود جوڑ کنگ بوھگ ئَ اِنت۔ بنجاھی وزیر ئَ گشتگ کہ پاکستان ئِ آئین ملکءِ تہا نندوکیں دراھیں شہر آنی ھق آنی ھفاظتئَ کنت، مئے حکومت ملکءِ تہا زالبول ، زھگ ءُ اقلیت آنی ھق آنی پہازگ ئِ ھاترئَ کانود جوڑ کنگئَ اِنت۔ آئی ئَ گشت کہ ہندوبراتی ئِ تحفظات ئَ ھلاس کنگئِ ھاترئَ حکومت پاکستان ئَ ہندو میرج ایکٹ پاس کتگ۔ ایشی ئَ ابید حکومت اقلیتی براتی ئِ دگہ تحفظات ئَ را ھلاس کنگءِ ھاترئَ کانود جوڑ کنگءَ اِنت۔
