لاہور۔ 02اپریل (اے پی پی) بنجائی وزیر ریلوے خواجہ سعد رفیق لاہور ریلوے اسٹیشن آ جنرل الیکٹرک کمپنی امریکہ غان ہلوک آ 4000 ہارس پاور نا لوکوموٹیونا کارگوٹرین ئِ رادہ کرسا بنائِ کرے، داوخت آ چیف ایگزیکٹو آفیسرریلوے جاوید انور تون اوار ایلو ریلوے کمامدارآک ہم ساڑی ئسر، بنجائی وزیر لوکوموٹیوز نا بارواٹی میڈیا ئِ سرجم احوال ترسا پارے کہ 55لوکو موٹوز جنرل الیکٹرک کمپنی امریکہ غان ہلنگ انگ ئُ ہرافتیان 14لوکو موٹوز پاکستان آ سرمسنو وخت اس کہ غٹ 55لوکو موٹوز نا سپلائی اینخو سال جولائی اسکان پورو مریک دالوکوموٹوز آتے مال گاڈی تے کن زوت ہی کاریم اٹ اتنگک ہراڑآن پاکستان ریلوے ئِ فریٹ نا مد اٹی خاطر خواہ ودکی مریک، دالوکوموٹوز آتے ساڑی ہائی کپسٹی و ہاپر ویگن آتون کاریم اٹ اتنگک ، 4000 ہارس پاور لوکوموٹوز خاص وڑاٹ کراچی بندرگاہ آن ہلیس کول پاور پلانٹس اسکان کولانا ترسیل کن کاریم اٹ اتنگرہ، دا لوکوموٹوز 3400 ٹن لوڈ چکنگ نا لائخی تخرہ وخت اس کہ ریلوے تون مست آن ساڑی لوکوموٹوز آتا لائخی 2250 ٹن ئِ۔ اوپارے کہ لوکوموٹوز 5 درسد کم ایندھن کاریم اٹ اتیرہ و زیات اینو ایئر منٹ فرینڈلی مننگ تون اوار اوار مینٹیننس کاسٹ نا بابت آن ہم ہڑزان ئُ، دالوکوموٹوز انجن تینا معیاد آن 10آن 15سال زیات چلینگک۔ خواجہ سعد رفیق پارے کہ دا لوکوموٹوز آتا ہلنگ کول آپریشن ئِ مون آ تخسا کننگانے۔ ہراڑآن ریلوے نا فریٹ آپریشن نا لائخی دوگنا مریک، اوپارے کہ 55لوکوموٹوز آتیان 23لوکو موٹیوز ساہیوال کول پاور پلانٹ آ کول آپریشن کن کاریم اٹ اتنگرہ۔ بنجائی وزیر مستی پارے کہ دا لوکوموٹوز آتا ریلوے نا فلیٹ اٹی اوار مننگ آن پد فریٹ کن لوکوموٹوز نا کچ 140 مریک ، اوپارے کہ 4ہزار ہارس پاور نا لوکوموٹوز پاکستان اٹی اولیکو وار کاریم اٹ اتنگ انگ ئِ، و دا ساڑی حکومت نا اولیکو پروکیورمنٹ ئِ، اوپارے کہ پاکستان ریلوے نا دا گام پاکستان نا ویژن 2025نا رداٹ ئِ تانکہ ریلوے نا فریٹ شیئر ئِ ودفنگ مرے۔ دا پاکستان ریلوے نا قومی جوڑجاڑ و شونداری ، شونہالی و توانائی نا تنکی تتون مون تننگ کن اسہ بے کچ اہم ئُ گام اسے ہرا پاکستان ریلوے نا شونداری ٹی اسہ مزل اسے نا نشان جوڑ مریک۔
