اسلام آباد۔ 02اپریل (اے پی پی) وزیر مملکت اطلاعات و نشریات و قومی میرات مریم اورنگزیب پارینے کہ پاکستان نا مسٹ میکو وار گچین مروک وزیراعظم تینا مسہ نسل آتا ورندی ئِ تننگ ئِ، عمران خان آن ورندی خوائر تو او ادارہ غاتے کیرینگ تننگ شروع کیک ، او تینا نابودی ، کرپشن و دروغ ئِ ڈکنگ کن ہوغک، عمران خان اخس کہ دروغ انا دوبہ خلک، اخس کہ ہوغے 2018 ءٹی الس ئِ ورندی تروئی مریک، عمران خان کے پی کے نا الس تون دروغ تڑینے، ملک انا شونداری ئِ توننگ نا کوشست کرے، عمران خان دا ملک انا قوم انا غٹ آن بھلا ویل ئِ ، عمران خان صاحب نا غٹ آن بھلا ویل پاکستان نا شونداری ئِ، داسہ ہم وخت ارے پاکستان نا شونداری و شونہالی ٹی وزیراعظم نواز شریف تون سلے۔ یک شنبے نا دے تینا اسہ بیان اسے ٹی اوپارے کہ عمران خان اخس کہ دروغ انا دوبہ خلکونے ، اخس کہ ہوغے2018 ءٹی الس ئِ ورندی تروئی مریک۔اوپارے کہ عمران خان داملک انا قوم انا غٹ آن بھلا ویل ئِ، عمران خان صاحب نا غٹ آن بھلا ویل پاکستان نا شونداری ئِ ۔ اوپارے کہ عمران خان ہر ادارہ غا دوبہ خلنگ و تضحیک کننگ نا ٹھیکہ ئِ ہرفینے، کے پی کے ٹی یک ئُ نیم سال آن احتساب کمیشن ئِ تالاس خلوک ئِ۔ اوپارے کہ پاکستان نا مسٹ میکو وار گچین مروک وزیراعظم تینا مسہ نسل آتا ورندی ئِ تننگ ئِ ، اگہ عمران خان آن ورندی خوائر تو او ادارہ غاتے کیرینگ تننگ شروع کیک انتئے کہ عمران خان نا مسخت ملک اٹی انتشار ئِ و پھسات تالان کننگ نا ئِ۔ اوپارے کہ عمران خان تینا نابودی ، کرپشن و تینا دروغ ئِ ڈکنگ کن ہوغک۔ مریم اورنگزیب پارے کہ عمران خان کے پی کے نا الس تون دروغ تڑے، ملک انا شونداری ئِ توننگ نا کوشست کرے، عمران خان صاحب نی دروغ تڑنگ، ملک اٹی پھسات شاغنگ و کے پی کے نا الس ئِ دھوکہ تننگ آ اللہ تعالیٰ آن معافی خوائے و 2018 نا تیاری ئِ کے۔ اوپارے کہ عمران خان مسہ نیم سال اٹی اِرا درخت خلنگ آن بیدس کے پی کے ٹی پین انت انتس کرے۔ الس دانا ورندی ئِ خوائنگ ئِ، خان صاحب ہوغپہ، کارکڑد ئِ نشان ایت۔ اوپارے کہ عمران خان صاحب نے آن تو ہچس متو ، داسہ ہم وخت ارے پاکستان نا شونداری ٹی و شونہالی ٹی وزیراعظم تون سلہ۔ اوپارے کہ ہمووخت مر اف ہراتم عمران خان ئِ ہم تینا چاتیانبار ملک ئِ ہلوئی مریک۔ اوپارے کہ خان صاحب شاید تینا چناتا ذکر ئِ کریکہ ہرابرطانیہ ٹی ودی مسر، برطانیہ ٹی رہینگ انگ ئُ و برطانیہ کن ہی ئُ۔
