اسلام آباد۔ 02اپریل (اے پی پی) محکمہ موسمیات اینو(دوشنبے نا دے آن ) مچ آ ملک اٹی پِر تا پوسکن آ چرجوئی بناءکننگ نا پیشن گوئی کرینے ۔ محکمہ موسمیات نا ترجمان نا رداٹ تہوتا بننگ آن ملک انا بڑزکو و نیامی بشخ آتیٹی دوشنبے آن پنچ شنبے اسکان پِر تا پوسکن آ چرجوئی بناءکیک۔ اوپارے کہ داٹی خیبر پختونخوا ، فاٹا، گلگت بلتستان و کشمیر نا گڑاس ہند آتیا آندھی بننگ و ہورہ و گروک تون پِر انا گمان ئِ۔ ترجمان پارے کہ مالاکنڈ، ہزارہ ڈویژن و کشمیر اٹی سے شنبے و چارشنبے نا دے ترند پِر کیک وخت اس کہ راولپنڈی ، سرگودھا ، گجرانوالہ ، لاہور و فیصل آباد ڈویژن و اسلام آباد اٹی ہم گڑاس ہند آتیا ہورہ و گروک تون پِر انا گمان ئِ۔ اوپارے کہ بڑزکو پنجاب، بڑزکو خیبر پختونخوا و کشمیر اٹی جاگہ جاگہ ترونگڑ کیک۔
