ایبٹ آباد۔ 02 اپریل (اے پی پی) مسلم لیگ (ن) نا باسک قومی اسمبلی کیپٹن (ر) محمد صفدر پارینے کہ حکومت پاک چائنہ اقتصادی راہداری (سی پیک) نا برخلاف ہر چمب ئِ بے سہب کیک ، سی پیک ملک اٹی گیم چینجر نا حیثیت تخک، مچ آ دنیا پاکستان نا اہمیت ئِ امنا کننگ ئِ، داخیال آتا درشانی ئِ او مسکوہی ایم پی اے خورشید اعظم نا ہنکین آ میڈیا تون ہیت وگپ کرسا کرے۔ اوپارے کہ سی پیک نا سوب ملک اٹی بھلو کچ اسے آ زرکاری بریک ہراڑآن ملک اٹی روزگار نا وارخواہی ودی مریک، ننا ددژمنک سی پیک ئِ دہشت گرد کارروائی تا کمک اٹ لتاڑنگ نا کوشست کننگ ئُ ولے میاں محمد نواز شریف نا سروکی ٹی کل قوم یکجائِ ، اوپارے کہ وزیراعظم میاں محمد نواز شریف نا سروکی ٹی ملک شونداری نا کسر آ روان ئِ و اونا اقتصادی ٹک آک گدرینگوک آ 13سال انا مقابلہ ٹی دے پہ دے گچین مننگ ئُ اوپارے کہ ہزارہ موٹروے و بالی پٹ جوڑ جاڑ آن علاقہ نا اہمیت اٹی ودکی مریک۔
