اسلام آباد۔ 01 اپریل (اے پی پی) صدر مملکت ممنون حسین بی آئی ایس پی نا چیئرپرسن ماروی میمن ئِ برطانوی پارلیمنٹ نا بڑزکو ترین اعزاز اسپیکر ایوارڈ جمہوریت کن گچین مننگ آ مبارکبادی تسنے۔ بی آئی ایس پی نا چیئرپرسن ماروی میمن صدر مملکت تون ہفتہ نا دے ایوان صدر اٹی اوڑدہی کرسا اودے پاکستان ئِ دوئی مروک آ دا اعزاز آن معلومدار کرے۔ صدر مملکت اودے مبارکبادی ترسا پارے کہ ماروی میمن نیزگاری نا چٹفنگ کن بے لوث کاریم کرسا پاکستان نا وقار ئِ بڑز کرے ہراڑآ ای اودے شاباشی ایتیوہ و اومیت کیوہ کہ او تینا کاریم نا جہانی کہول آ پزیرائی آن پد داسہ اسہ پوسکن ئُ جوزہ و عزم اسے تون ملک اٹی نیزگاری نا چٹفنگ و جمہوریت نا سوگوی کن کاریم کیک۔ بی آئی ایس پی نا چیئرپرسن ماروی میمن صدر مملکت تون اوڑدہی کرسا اودے پاکستان ئِ دوئی مروک آ دا اعزاز آن معلومدار کرے۔ ماروی میمن اسپیکر جان برکونا چھٹی ئِ ہم صدر مملکت ئِ پیش کرے ہراٹی او ایوارڈ دوئی کننگ نا مبارکبادی تننگانے۔ برطانوی ایوان نمائندگان آک فیصلہ کریسر کہ داسال آن جمہوریت نا سوگوی، نیزگاری نا چٹفنگ و آجوئی اظہار کن کاریم کروک آ شخصیت ئِ مچ آ دنیا آن گچین کرسا اسپیکر ایوارڈ جمہوریت تننگک۔ دامسخت کن کاریم کروک آ مچ آ دنیا آن ہزار آ بندغ آتا کاریم نا جا چ ئِ ہلسا بے نظیر انکم سپورٹ پروگرام نا چیئرپرسن ماروی میمن ئِ ایوارڈ کن گچین کننگا۔ ہنداوڑ نیزگاری نا چٹفنگ و نادرا چناتے کن تعلیم و جان جوڑی غذا نا فراوانی کن شفاف و بے کچ گیشتر ئُ کچ اسے آ بست و بند کننگ آ پاکستان داباوقار جہانی ایوارڈ نا دوئی ٹی سرسہب مسنے۔اسپیکر دارالعلوم نا دیوان اٹی ایوارڈ کن ماروی میمن نا گچین کننگ نا پڑو ئِ کرساپارے کہ ایوارڈ کن مچ آ دنیا نا شخصیت آتا جاچ ئِ ہلنگ آن پد اونا گچینی ئِ عمل اٹی ایس۔ ماروی میمن 5.4ملین زالبول نا مالی حالیت آتا گچینی کن ہرا بے لوث وڑاٹ کاریم کرینے، او اسہ ریکارڈ اسے۔ اوتینا مسخت کن مر مر انا سفر ئِ کرے و براہ راست حقدار آتون رابطہ کرے۔ ہنداوڑ او اسہ گچین ئُ مسخت اسے کن غٹ آن زیات سفر کروک آ پارلیمنٹرین نا وڑاٹ ہم نمان مسنے۔
