اسلام آباد۔ 01 اپریل (اے پی پی) بنجائی وزیر سائنس و ٹیکنالوجی رانا تنویر حسین پارینے کہ ساڑی دور اٹی کمپیوٹرو انفارمیشن ٹیکنالوجی نا تعلیم بے کچ اہمیت تخک۔ آخبت اٹی شونداری کن ورنانسل ئِ کمپیوٹرنا پوسکن آ تعلیم نا بارواٹی پورو عبور بایدے دوئی مرے تانکہ نئے بیرہ او ملکی کہول آ بلکن جہانی وڑاٹ ہم تینا پبی کڑد ئِ ادا کننگ کیر۔ داہیت آتے او ہفتہ نا دے کامسیٹس انسٹی ٹیوٹ آف انفارمیشن ٹیکنالوجی ساہیوال اٹی ”کامسیٹس سافٹ ویئر ہاﺅس“ نا بناءکننگ نا وخت پارے۔ اوڑتون اوار ڈاکٹر ایس ایم جنید زیدی(ایگزیکٹو ڈائریکٹر کامسیٹس) پروفیسر ڈاکٹر راحیل قمر (ریکٹر سی آئی آئی ٹی ) ہم ساڑی ئسر۔ پروفیسر ڈاکٹر سلیم فاروق شوکت(ڈائریکٹر سی آئی آئی ٹی ساہیوال ) و ہیڈ آف ڈیپارٹمنٹس رانا تنویر حسین نا خیرمقدم ئِ کرے۔ بنجائی وزیر کمپیوٹر سائنس ڈیپارٹمنٹ نا دورہ ئِ ہم کرے ہراٹی جاری شونداری ڈٹ آتا بارواٹی بریفنگ تننگا۔ بنجائی وزیر سافٹ ویئر ہاﺅس نا بناءکننگ آن پد فائنل ایئر پروجیکٹ آتیا کاریم کروک آ طالب علم آتون اوڑدہی کرے و اوفتیان فائنل ایئر پروجیکٹ آتا بارواٹی ہریفے۔

متعلقہ مضامینمصنف کی طرف سے مزید