اسلام آباد۔ 01 اپریل (اے پی پی) وزیراعظم محمد نواز شریف پاکستان اٹی ملکی و درملکی زرکارآتا آسراتی کن جامع ضابطہ کار اس وضع کننگ و مربوط پالیسی اس جوڑ کننگ نا پارت جاری کرے۔ ہفتہ نا دے پی ایم ہاﺅس نا کنڈآن جاری اسہ بیان اسے نا رداٹ وزیراعظم غٹ وزارت۔ تعلقدار ڈویژن و وت واجہ ادارہ غاتا سروک آتے پارت کرینے کہ او پاکستان اٹی کاروبار نا غرض اٹ ملکی و درملکی زرکار آتا آسراتی کن جامع ضابطہ کار اس وضع و مربوط پالیسی اس جوڑ کے۔ وزیر اعظم ہاﺅس نا رداٹ وزیراعظم غٹ بنجائی وزارت، محکمہ و وت واجہ ادارہ غاتا سروک آتے پارت کرینے کہ او پاکستان اٹی ملکی و درملکی زرکارآتے لیسن نا جاری ، زرکاری کن موکل تننگ یا تفننگ و کاروبار بناءکننگ نا بابت آسراتی تا فراوانی کن جامع ضابطہ کار اس تیار کیر و مربوط پالیسی اس جوڑ کیر۔ وزیراعظم پارت کرے کہ زرکار ی کن سرٹیفکیٹس ، موکل نامہ و منظوری تا نظام ئِ آسان جوڑ کرین، زرکارآتے کن غٹ اڑاند آتے مر و درخواست آتیا تخوک آ وخت اٹی المی کارروائی ئِ عمل اٹی اتنگے۔ وزیراعظم پارے کہ زرکار آتے کاروبار اٹی ہچ وڑنا اڑاند اس مف و ہندن ئُ نظام اس جوڑ کننگے کہ زرکارآتے ہچ ئُ مشکل اس مفئے۔
