ملک ئُ چہ ناشرکاری ئَ ھلاس کنگ ئَ دل یکیم آں، وتی سرڈگار ئَ چہ ناشرکاری ئِ ھلاسی ئَ تاں جنگ ئَ جاڑی دار آں مئے راجی زمہ واری ھم ھمیش اِنت
اسلام آباد ۔ 31 مارچ (اے پی پی) مزن وزیر محمد نواز شریف ئَ پاراہ چنار ئَ بوتگیں بمب تراک ئَ را گوں ترندی ئَ ایراد گپتگ ایشی ئِ تہ ئَ بازیں مردم ئِ ٹپیگ بوتگ۔ آدینگ ئِ روچ ئَ مزن وزیر ئِ نیمگ ئَ چہ جاڑی بوتگیں بیان ئِ رد ئَ مزن وزیر ئَ واکیہ ئِ تہ ئَ بیران بوتگیں مردم آں گوں دل ئِ جھلانک آں دلپدردی ئِ درشان کُت ئُُ آوانی آکبت پہ ھیری ئَ پہ رب ئُُ العزت دسبندی کُت۔ آئی ئَ ٹپیگ آنی زوت جان سلامتی ئِ ھاترا دُعا کُت۔ مزن وزیر ئَ حکومتئَ چہ ناشرکاری ئِ ھلاسی ئِ بابت ئَ دل یکیمی ئِ گوشت۔ آئی ئَ گوشزت کہ ناشرکاری ئِ نیٹ ورک ئَ را پروشگ بوتگ ئُُ وتی سرڈگار ئَ چہ ناشرکاری ئِ سرجمی ئَ ھلاسی ئَ جنگ جاڑی دارگ مئے راجی زمہ واری اِنت۔ مزن وزیر ئَ سیادی داروکیں کارندہ آناں ہدایت کُت کہ ھندی انتظامی ئِ ھمک رنگ ئِ کمک کنگ بہ بیت۔
