اسلام آباد۔ 31 مارچ (اے پی پی) صدر مملکت ممنون حسین ئَ گوشت کہ آپریشن ضرب عضب، ردالفساد ئُُ ناشرکاری ئِ ھلاپ ئَ کاروائی ئَ چہ پولیو ئِ گر ئُُ دار ئَ کمک رسیت ئُُ مزن وزیر ئَ میاں جان سلامتی آرا جوانتر جوڑ کنگ ئِ ھاترا سک باز ارزشتی ایں گامگیج زرتگ ایشی ئِ برورد دیم ئَ پیداک اَنت۔ آئی ئَ اے گپ آدینگ ئِ روچ ئَ ایوان ئِ صدر ئَ میاں اوستمانی ادارگ ئِ جان سلامتی (ڈبلیو ایچ او) ئِ ریجنل ڈائریکٹر ڈاکٹر محمد فکری ئَ گوں گند ئُُ نند ئِ ساھت ئَ کُت اَنت۔ ایشی ئِ تہ ئَ وزیر ِ ئِ مملکت برائے جان سلامتی سائرہ افضل تارڈ ئُُ ایندگہ ٹوھیں کارندہ ساڑی اتنت۔ صدر ئِ مملکت ئَ گوشت کہ ناشرکاری ئِ ھلاسی ئَ چہ پولیو ئِ گر ئُُ دار ئَ کمک رسیت۔صدر ئِ مملکت ئَ گوشت کہ وزیر ئِ مملکت سائرہ افضل تارڈ ئَ جان سلامتی ئِ بابت ئَ مزن وزیر ئِ وڑن ئِ سر ئَ سک باز کار کتگ۔ آئی ئَ ورلڈ ہیلتھ آرگنائزیشن ئِ نیمگ ئَ چہ جان سلامتی ئِ شوبگ ئَ پاکستان ئِ گوما کمک ئِ ستا کنان ئَ گوشت کہ ایشی ئِ نتیجگ ئَ پاکستان ئَ نادُراھی ئِ گر ئُُ دار ئُُ جان سلامتی ئِ جیڈھ آنی تہ ئَ کمک رسیت۔
