اسلام آباد۔ 31مارچ (اے پی پی) آپریشن ضرب عضب اٹی زہمی مروک آ اورکزئی ایجنسی نا عارضی وڑاٹ بے اُرا بندغ آتا پدی ہِننگ نا عمل پورو مسنے و 35 ہزار 823 خاہوت پدی تینا علاقہ غاتیا رسینگانو۔ فاٹا ڈیزاسٹر مینجمنٹ اتھارٹی نا کمامدارآتا رداٹ بنجانا بست و بند قبائلی علاقہ غاتیٹی دہشت گرد آتا برخلاف آپریشن ضرب عضب اٹی زہمی مروک آ عارضی وڑاٹ اورکزئی ایجنسی نا بے اُرا بندغ آتا پدی ہِننگ نا عمل پورو مسنے ۔ آپریشن اٹی اورکزئی ایجنسی نا 35 ہزار 823 عارضی وڑاٹ بے اُرا خاہوت آک آپریشن نا سوب علاقہ ئِ ہلاسر۔ عارضی وڑاٹ بے اُرا بندغ آتا پدی ہِننگ نا مسٹ میکو مرحلہ ٹی 35 ہزار 823 خاہوت پدی اورکزئی ایجنسی آ رسینگانو پدی ہنوک آ بے اُرا بندغ آتے 25 ہزار روپئی کیش گرانٹ وخت اس کہ ٹرانسپورٹ نا مد اٹی 10 ہزار روپئی تننگانے وخت اس کہ عارضی رہینگ انگ کن تمبو ہم تننگانے۔
