اسلام آباد۔ 31 مارچ (اے پی پی) اسپیکر قومی اسمبلی سردار ایاز صادق و ڈپٹی اسپیکر مرتضیٰ جاوید عباسی پاراچنار اٹی دھماکہ نا سخت انگا لوز آتیٹی مذمت ئِ کرسا داٹی نہادی انسانی جان تا زیان آ ڈکھ واست ہسونی نا درشانی ئِ کرینو ۔ جمعہ نا دے تینا جتا جتا مذمتی بیان تیٹی اوفک دھماکہ نا ترند انگا لوز آتیٹی مذمت ئِ کریر و داٹی تپاخت کروک آ بندغ آتا خاہوت تون دلی ہمدردی و ہڑزخواہی نا درشانی ئِ کریر۔ اوایماندار آتا درجہ غاتا بڑزی کن دعا کریر و ٹھپی تا زوت دُراخی نا بابت ہم دعا کریر۔
