پاراچنار۔ 31 مارچ (اے پی پی) کرم ایجنسی نا ہیڈ کوارٹر پاراچنار نا نورمارکیٹ اٹی دھماکہ ٹی ہشت بندغ شہید و 25ٹھپی مسنو۔ پولیٹیکل انتظامیہ نا رداٹ دھماکہ نا دمدستی گڈ سیکورٹی فورس آک جاگہ ئِ گھیڑ اٹی ہلکونو وخت اس کہ امدادی سرجزآتا بنائِ کننگانے۔ ٹھپی تے ایجنسی ہیڈ کوارٹر ہسپتال آ گدریفنگانے ، ٹھپی تیٹی گڑاسے نا حالیت نازرک پاننگ انگ ئِ ۔ طبی امداد کن علاقہ ٹی پاک فوج انا ہیلی کاپٹر سرمسنے ہرافتے ٹی بھاز ٹھپی تے ہسپتال آ گدریفنگ انگ ئِ۔ پولیٹیکل انتظامیہ نا رداٹ غٹ ہسپتال آتیٹی ایمر جنسی نافذ کننگانے و ٹھپی بندغ آتے ہسپتال آتیا گدریفنگانے ہرافتیان چندی تا حالیت نازرک ئِ۔ دھماکہ ٹی چندی گاڈیک ہم بھس مسنو۔
