اسلام آباد۔ 31 مارچ (اے پی پی) صدر مملکت ممنون حسین پارہ چنار اٹی دہشت گردی نا واقعہ نا ترندی اٹ مذمت ئِ کرینے۔ اوحادثہ ٹی تپاخت و ٹھپی مروک آ بے گناہ بندغ آتا خاہوت تون ہڑزخواہی نا درشانی ئِ کرینے۔ جمعہ نا دے ایوان صدر آن جاری اسہ بیان اسے نا رداٹ صدر مملکت زہمی خاہوت تون ہمدردی نا درشانی ئِ کرسا صوبائی حکومت و تعلقدار کمامدار آتے پارت کرینے کہ او الس نا جان و مال انا رکھ ئِ المی جوڑ کیر۔ صدر مملکت پارت کرے کہ ٹھپی تا درمان کن غٹ وسیلہ غاتے کاریم اٹ اتنگے۔ اوپارے کہ دہشت گردی نا واقعہ غاک دہشت گردی نا برخلاف قومی عزم ئِ لڑزوخ کننگ کپسہ و داچرجوئی ٹی سلہہ بند فوج و کانود نافذ کروک آ ادارہ غاک مسخت آتا دوئی اسکان کارروائی ئِ برجاتخرہ۔
