اسلام آباد۔ 30 مارچ (اے پی پی) شش میکو خانہ مردم شماری نا اولیکو مرحلہ نا ارٹ میکو بلاک (اینو) جمعہ آن بناءکیک، ہرا بروک آ تُو انا 13تاریخ آ پورو مریک۔ ادارہ شماریات نا رداٹ دامرحلہ ٹی خیبر پختونخوا نا 6 ہزار 4 سد ئُ 45، فاٹا نا یک سد ئُ 25، پنجاب نا 20 ہزار یک سد ئُ 88، سندھ انا 9 ہزار 81، بلوچستان نا 2ہزار 8 سد ئُ 14 وخت اس کہ آزاد کشمیر نا اسہ ہزار 2 سد ئُ 22 و گلگت بلتستان نا 3 سد ئُ 60 بلاک اٹی خانہ و مردم شماری نا عمل اینو آن بناءکیک ہرا مسہ دے اسکان برجاسلک۔ مردم شماری نا بابابت غاو تے کن اسلام آباد اٹی ادارہ شماریات اٹی اسہ کنٹرول روم اس اڈتننگانے ہراڑے شاریک مردم شماری نا بابت غاوتے ٹال فری نمبر 0800-57574 آ نوشتہ کرفنگ کیرہ۔ مردم شماری نا بابت داوخت اسکان اسہ ہزار 4 سد غاو رسینگانے ہرافتے جوانی اٹ چٹفنگانے۔
