اسلام آباد۔ 30مارچ (اے پی پی) جہانی معاملہ غاتا چاہندار ڈاکٹر نور فاطمہ نا پاننگ ئِ کہ ساڑی حکومت نا اولیت پیشن نا زرکاری ئِ پاکستان آ اتنگ آٹی ئِ، ریڈیو پاکستان تون ہیت وگپ کرسا اوپارے کہ مسلم لیگ (ن) نا ساڑی حکومت 2013ءٹی برسراقتدار بننگ نا وخت آ پاریسس کہ او کاروباری شخصیت آتے آسراتی ترسا پیشن نا زرکارآتے پاکستان اٹی زرکاری نا کنڈآ اتنگ خوائک۔ اوپارے کہ داکان مست پاکستان نا حالیت آک زرکاری کن سازگار ہلوس۔ ساڑی حکومت نا گچین پالیسی تا سوب سی پیک کون آڈٹ پاکستان اٹی بناءکننگانے ہراٹی چندی ملک آک شریداری نا عندیہ ہم تسنو، داڑآن پاش مریک کہ داسہ پیشن نا زرکارآک پاکستان ئِ زرکاری کن رکھوک ملک اس سمجھرہ۔
