اسلام آباد۔ 30 مارچ (اے پی پی) پاکستان اکانومی واچ نا صدر ڈاکٹر مرتضیٰ مغل نا پاننگ ئِ کہ پاکستان پیشن نا زرکارآتے کن آئیڈل ئُ ملک اسے۔ ریڈیو پاکستان تون ہیت وگپ کرسا اوپارے کہ پاکستان ئِ مستین اٹی دہشت گردی تون اوار چندی چیلنج آتا مون تروکی مسنے ہرانا سوب پیشن نا زرکارآک داڑے زرکاری آن خلیسورہ ولے وزیراعظم محمد نواز شریف نا گچین پالیسی تا سوب آن پاکستان درملکی زرکارآتے کن گچین ئُ ملک اس جوڑ مسنے و او داڑے زرکاری کرسا فائدہ دوئی کننگ کیرہ۔ اوپارے کہ داغٹ داخاطران مسنے کہ وزیراعظم پاکستان و وزیراعلیٰ پنجاب شہباز شریف زرکارآتا مشکل آتے جوان وڑاٹ پہہ مریرہ۔ ڈاکٹر مرتضیٰ مغل پارے کہ پاکستان اٹی سی پیک کون آ بھلو گیم چینجر ڈٹ اس بننگ کیک تو مچ آ دنیا نا زرکارآک ہم داڑے زرکاری کن بننگ کیرہ۔ اوپارے کہ پاکستان ڈیہہ ٹی خیسن نا چُک اس جوڑ مرسا مون آ بننگ ئِ۔
