اسلام آباد۔ 29 مارچ (اے پی پی) وزیر مملکت اھوالکاری ئُُ راجی مڈی مریم اورنگزیب ئِ ایسوسی ایٹڈ پریس آف پاکستان (اے پی پی) ئِ سوشل میڈیا ڈیسک ئُُ انڈ رائڈ ایپلی کیشن ئِ برجائی ئِ بابت ئَ ہدایت کُت ئُُ گوشت کہ اے پی پی ملک ئِ جونیں پجار ئَ را دیمروئی دیگ ئِ ھاترا جوانیں کرد ئِ پیلو کنگ ئَ اِنت۔ حکومت ئِ گہبودی منصوبگ ، پاک چین اقتصادی راہداری (سی پیک) سپورٹس، دود ئُُ ربید ئُُ ایندگہ شوبگ آنی دیمروئی ئِ ھاترا جوانیں گامگیج ئُُ اُلس آنی رسانکی آسراتی ئَ الکاپی ئَ پجارینگ ئِ کرد ئَ پیلو کنگ ئَ اِنت، اے پی پی پاکستان ئِ 70سالی مراگش ئِ بابت ئَ وتی کاروائی آنی تہ ئَ وتی استیں نکان آنی شنگ کاری ئَ جوانیں رنگے ئَ بکنت تانکی لس مھلوک مئے ھواریں آباتی ئِ 62درسد ورنا راستی ئَ چہ آشنا بہ بنت۔ چار شمبے ئِ روچ ئَ راجی رسانکی ادارگ ”ایسوسی ایٹڈ پریس آف پاکستان“ ئِ تر ئُُ تاب ئِ موہ ئَ مزن تک ئِ دیوان ئَ گشتانک دیان اَت۔ وزیر ئِ مملکت مریم اورنگزیب ئَ اے پی پی کمیٹی روم ئَ مزن تک ئِ دیوان ئِ سروکی کُت۔ دیوان ئَ منیجگ ڈایئریکٹر اے پی پی مسعود ملک، ڈائریکٹر نیوز نعیم چوہدری ‘ڈائریکٹر کوآرڈینشن اکرم ملک ‘ڈائریکٹر انفارمیشن ٹیکنالوجی غواث خان ئَ ابید سوشل میڈیا ڈیسک ئُُ ایندگہ شوبگ آنی نمائندگ ساڑی اتنت۔ وزیر ئِ مملکت مریم اورنگزیب ئَ را مینجنگ ڈائریکٹر مسعود ملک ئَ گوشت کہ اے پی پی پکوّئیں ھال آنی ادارگ اِنت، ایش ھالانی، اکس، ویڈیو فوٹیج ئُُ سوشل میڈیا ئِ وسیلگ ئَ پاکستان ئَ اُلس ئُُ سرجمیں دگنیا ئِ ئَ ھال آں شنگ کنت۔ آئی ئَ گوشت کہ اے پی پی انگلش ، اُردو، عربی ئَ ابید صوبائی یکوئی ئَ را دل یکیمی کنگ ئِ ھاترا ھندی زبان سرائیکی، سندھی، پشتو، بلوچی ئَ ھال راجی ھالتاک آنی تہ ئَ ھال آں شنگ ئَ ابید، ٹی وی چینلز، ریڈیو چینلز ئُُ ھال آنی یک ئُُ دگر ئَ دیو کائی ئِ منوگری ئِ تہ ئَ بازیں میاں استمانی نیوز ایجنسی آناں ھال پُجارینگ ئَ اِنت۔
