اسلام آباد۔ 29 مارچ (اے پی پی) وزیر ئِ تہی کار چوہدری نثار علی خان ئَ چیئرمین نادرا ئَ ہدایت کُت کہ پاکستان اوریجن کارڈ ئِ جیڈھ ئِ گیواری ئِ ھاترا 24کلاک آنی تہ ئَ مھکمیں شور ئُُ سلاھ پیش کنگ بہ بیت۔ چار شمبے ئِ روچ ئَ اِدا مزن تک ئِ دیوان ئِ پاگواجئی کنان ئَ آئی ئَ گوشت کہ سیکریٹری تہی کار ئَ ہدایت کتگ کہ امیگریشن ڈیپارٹمنٹ ئَ را یف آئی اے ئَ چہ جُتا کنگ ئِ واستہ یک ھپتگ ئِ ئے تہ ئَ ٹوھیں سٹریٹیجی پیپر تیار کنگ بہ بیت۔ آئی ئَ گوشت کہ سرجمیں ملک ئَ امیگریشن اینڈ بارڈرمنیجمنٹ وت مستر اَنت ایشاناں ایف آئی اے ئَ چہ جُتا کنگ ئِ ضلورت اِنت ایشی ئِ بُنیاتی کار وائٹ کالر کرائمز ئِ پٹ ئُُ پول کنگ اِنت۔ دیوان ئِ تہ ئَ دارچین تہی کار، ایڈووکیٹ جنرل، چیئرمین نادرا، چیف آئی سی ٹی ئُُ وزارت ئِ تہی کار ئُُ ایف آئی اے ئِ کلانئیں کارندہ ھوار اتنت۔ وزیر ئِ تہی کار ئَ گوشت کہ نوکیں امیگریشن اینڈ بارڈر مینجمنٹ ڈیپارٹمنٹس پاکستان ئَ بالی ، زرّی ئُُ سرڈگاری کشک آں چہ توک ئُُ ڈن ئِ جاھ آنی جوانیں مانیٹرنگ ئِ کارئَ گیش دل یکیم کن آں۔
