اسلام آباد۔ 29 مارچ (اے پی پی) مزن وزیر محمد نواز شریف ئَ بحرین ئِ حکومت ئُُ کاروباری برات آناں پاک چین اقتصادی راہداری ئَ چہ پیداک بوتگیں جوانیں موہ ئَ چہ نپ چست کنگ ئِ سر ئَ دعوت دیان ئَ گوشت کہ سی پیک نہ ایوک ئَ دمگی یکوئی ئِ کوکا ئَ را دیمروئی بلکینگ ئَ سرجیں پڑ ئَ پہ گم چینجر سہرا بوھگ ئِ بابت ئَ تران کُت، سی پیک 51ارب ڈالر ئَ چہ گیش سرمایہ کاری کساس ھاٹیگ، دگ، موٹرویز، پائپ لائن، ریل نیٹ ورک ئُُ آپٹک فائبر راہداری اَنت۔ آئی ئَ اے گپ بحرین ئِ کلانئیں کاروباری بامرد ئُُ سرمایہ کار آنی مزن تک ئِ ٹولہ ئَ گوں تران کنان ئَ گوشت اَنت۔ ایشاں چار شمبے ئِ روچ ئَ مزن وزیر کارگس ئَ گوں مزن وزیر ئَ گند ئُُ نند کُت۔ بحرین ئِ وزیر ئِ صنعت، تجارت ئُُ سئیل ئُُ سواد زید آرالزیارانی ھم اے موہ ئِ سر ئَ ساڑی اَت۔ ٹولہ ئِ پاگواجئی ئَ بحرین چیمبر آف کامرس اینڈ انڈسٹریز (بی سی سی آئی) ئِ چیئرمین خالد المعید کنگ ئَ اَت۔ مزن وزیر ئَ ٹولیگ ئَ را گوں دل ئِ جھلانک آں وش اتک کنان ئَ گوشت کہ پاکستان ئُُ بحرین ئِ کاروباری مردم آنی نیمگ ئَ چہ پاک بحرین یکجائی ھولڈنگ کمپنی ئِ برجائی ئِ گامگیج ئَ را وش اتک کنت ئُُ مار ا یکیم اِنت کہ دو نیمگی تجارت ئُُ سرمایہ کاری ئِ تہ ءَ گیشی بیت۔
